Ferdamat - vårt serveringstilbod om bord

I kioskane våre finn du ekte Ferdamat – enkle, gode rettar som gjer reisa litt hyggelegare og pausen litt betre. Ta deg tid til å kjøpe ei nystekt svele, ein kopp kaffi, eller velg mellom varme og kalde rettar.

Våre sjølvbetente kioskar er ope heile døgnet, medan dei betente kioskane har opningstider som varierer med sesong og samband. Uansett når du reiser, kan du rekne med noko godt å bite i.

Sjølvbetent kiosk

På mange av ferjene våre finn du sjølvbetente kioskar med eit fristande utval av enkle rettar, søte freistingar og kald drikke. Her kan du raskt kjøpe deg noko godt – anten du reiser tidleg om morgonen, langt utpå kvelden eller midt på natta.

Utvalet varierer, men du vil som oftast finne:

smårettar og påsmurde rundstykker eller liknande
snacks, kaker og søtsaker
kald og varm drikke

Alt er lagt opp for at du skal kunne forsyne deg når det passar deg best – ein liten pause, heilt på dine eigne premissar.

Betent kiosk

På utvalde samband har vi betente kioskar med eit større og ferskare mattilbod. Her kan du velje mellom varme og kalde rettar, påsmurde baguettar, snacks, kaker – og sjølvsagt dei populære svelene våre.

Typiske favorittar om bord:

varme rettar
kalde måltid og ferske baguettar
sveler og vafler
is, snacks og kioskvarer
varm og kald drikke

Opningstidene varierer etter sesong og trafikk, men uansett kva samband du reiser på, møter du eit smil, ein godbit og noko å drikke.

Den originale Fjord1-svela - ein klassikar på fjorden

Svelene våre er blitt ein del av reiseopplevinga langs kysten. Mange meiner at turen ikkje er den same utan den tradisjonsrike svela – nytrekt frå takka, med smørkrem eller brunost, og servert med utsikt over fjord og fjell.

Visste du at...
I 2025 selde vi om lag 469.000 sveler?

Når Fjord1-svela blir bursdagstradisjon

For nokre familiar er bursdag synonymt med blautkake og lys. For denne familien er det noko heilt anna som set stemninga: Ei oppskrift som har fulgt dei i over 15 år, ei steiketakke som blir varm før sola står opp, og lukta av nylagde sveler.

Når ei svele betyr meir enn eit måltid

Fjord1-svela har funne vegen heilt til eit sjukeheimskjøkken i Nord-Sverige. Der har svela blitt meir enn berre mat – men ei kjelde til glede, samhald og gode augeblikk, også når livet går mot slutten.

Verdas beste heimelaga svele med smørkrem

Oppskrift på Fjord1-svela - Noregs beste svele!

Bak dei gylne, nysteikte svelene ligg ei oppskrift som har blitt brukt, justert og perfeksjonert gjennom år med ferjedrift og tidlege morgonar. No kan du ta med deg litt av Fjord1-kjensla heim, og lage svela slik ho blir servert til tusenvis av reisande langs kysten.

Velkommen om bord!

Hos oss får du alltid påfyll med Ferdamat – om det er ei mjuk svele i handa, ein varm kopp kaffi, eller ein forfriskande is ute på dekk! Velbekomne.