Fjord1 nyttar kamera på ferjekaier og om bord på ferjene for å sikre trygg, effektiv og føreseieleg drift. Kamera vert brukt til automatisk trafikkdirigering og køhandtering, sikkerheit for passasjerar og mannskap, i tillegg til driftsovervaking og dokumentasjon av hendingar.
På nokre samband, som Sykkylven–Magerholm og Lavik–Oppedal, er det fleire kamera både på land og om bord.
Kamera i samband med automatisk trafikkdirigering er i hovudsak retta mot køyretøy og trafikkmønster, og skal bidra til å sikre betre flyt, styre ombordkøyring og redusere ventetid.
Kamera om bord er plassert i utvalde område som bildekk, fellesareal og kiosk. Kamera i kiosk vert nytta for trygg drift og førebygging av uønskte hendingar.
Personvern
All bruk av kamera skjer i samsvar med personopplysningslova og personvernforordninga (GDPR). Opptak vert lagra i avgrensa tid, berre autorisert personell har tilgang, og opptak vert berre utlevert til styresmakter når lovverket gir grunnlag for det.
Som reisande eller besøkande har du rettar knytt til eigne personopplysningar, mellom anna rett til innsyn. Meir informasjon om korleis vi handterer personvern her: Personvern - Fjord1